Aguraingo Udala k Eusko Jaurlaritzako Hezkuntza Saila ri eskatu dio udalerriko ikastetxeekin elkarlanean diseinatu den gizarte eta hezkuntza programa bat ezartzea erraztu dezala. Ekimenaren helburua da haur eta nerabeen ongizatea, inklusioa eta justizia soziala sustatuko dituzten politika publikoak garatzea.
Programa prestatzeko, 10 eta 18 urte bitarteko ikasleen artean diagnostiko bat egin da, eta bertan parte hartu dute Lope De Larrea Ikastola k, Lautada Ikastola k eta Aniturri BHI institutuak. Hala ere, plana garatzeko beharrezkoa den laguntza kontratatzeko prozesuak oztopoak aurkitu ditu, udalaren arabera, Hezkuntza Sailak azken hilabetean bilera egiteko eskaerei erantzun ez dielako.
Horren aurrean, Aguraingo udalbatzak Hezkuntza sailari eskatu dio beharrezko baimena eman dezala zerbitzua abian jartzeko, udalaren eta ikastetxeen arteko lankidetzaren bidez. Era berean, premiazko bilera bat egitea galdegin du, gazte eta nerabeei zuzendutako programa hau martxan jartzea gehiago ez atzeratzeko.
