Bizkaiko Foru Aldundiaren Bizkaia Gazteak Lea-Artibai 2026 programaren barruan kokatzen den topaketa hau, 16 eta 30 urte bitarteko gazteei zuzenduta dago, beraien enplegagarritasuna hobetzeko eta tokiko talentua eskualdeko enpresa ehunarekin konektatzeko helburuarekin.
Guztira, 18 enpresa eta inguruko eragilek parte hartuko dute, hala nola Burdinola, Cikautxo, Fagor Arrasate, Kide, Laboral Kutxa, Lanbide, Maier edo Nemak, besteak beste. Horiek guztiek beraien eskaintzak ikusgarri egiteko eta profil egokiak bilatzeko stand propioa izango dute.
Lanpostuen eskaintza zabala da, eta administrazioa, ostalaritza, merkataritza, osasuna, ingeniaritzak (mekanika, industriala, robotika), produkzio-operarioak, soldadura eta mantentze lanetako lanpostuak biltzen ditu.
