Udalerriak bere historiaren mugarri hau ospatu zuen, eta bertan izan ziren 300 pertsona baino gehiago, tartean erakundeetako, elkarteetako, hezkuntzako eta enpresetako ordezkariak. Ekitaldiak nabarmendu nahi izan zuen elkarteek belaunaldiz belaunaldi Leioaren identitatea eta komunitate bizitza eraikitzen egindako lana.
Aurtengo Día de Leioa 2026 saria GAUDE elkartearentzat izan da, adimen desgaitasuna duten pertsonei eta haien familiei laguntzen dien irabazi-asmorik gabeko erakundeari. Sari honekin, Udalak elkartearen ibilbidea, udalerriko bizitzan duen inplikazioa eta gizarte inklusiboago bat eraikitzeko egindako ekarpena balioetsi nahi izan ditu.
Ekitaldian, hainbat elkartetako ordezkariak izan ziren hizlari, hala nola Txikiak Dantza Taldea, Andrak, AEK, Comercios Unidos, Fath Pro Sahara, Errekalde Errota, SD Leioa, Mugi, Lamiakoko Jai Batzordea, Mercedarias eta San Bartolomeko auzo elkartea. Hauek, elkarte-sare osoaren izenean, Leioaren gaur egungo komunitatea osatzen lagundu duten pertsona guztien ekarpena aitortu zuten.
Ekitaldian, Iban Rodriguez Etxebarria Leioako alkatea, Juan Ignacio Pérez Iglesias Zientzia, Unibertsitate eta Berrikuntza sailburua eta Udal Korporazioko kideak izan ziren. Gainera, Travellin’ Brothers eta David Medina-ren zuzeneko musikak girotu zuen ekitaldia.
