Leioa Auzoetan: auzoetako auzokideen hobekuntza proposamenak jasotzeko programa berriz martxan

Leioa Auzoetan programa, iaz abian jarritako parte hartze zibilerako ekimena, berriz helduko zaio udalerriko auzoei. Helburua da bertan bizi direnek beraien ingurune hurbilean egin beharreko hobekuntzak zuzenean adieraztea.

Aurten, Leioandi, Elexalde, Iparragirre, Sabino Arana, Independentzia eta Luis Bilbao Líbano auzoek jasoko dute lehenengo txanda, urriaren 12tik 25era. Ondoren, Lamiako, Txopoeta eta Ibaiondo guneak etorriko dira, data berdinetan. Urriaren 27tik azaroaren 9ra bitartean, Kandelazubieta eta Iparragirre Zeharkalea hartuko ditu ekimenak, eta azkenik, Udondo, Ondiz, Txorierri, Aketxe eta Begoñako Ama auzoek osatuko dute laugarren gunea, aurrekoekin batera.

Jasotako proposamenek auzo bakoitzeko beharrizan eta hobekuntza zehatzetan zentratu beharko dute, betiere udal aurrekontuaren bidez gauzatu daitezkeen obrak, konponketak eta hobekuntzak baldin badira.

Parte hartzea errazteko, udalak hainbat bide jarriko ditu eskuragarri: auzoetan kokatuko diren postontziak, Udaleko eta Gaztelubideko SAC bulegoak, eta udal webgunean aurkituko den galdetegi online bat.

Gainera, informazio puntuak egongo dira auzuneetan:
• Urriaren 14an: 11:00etatik 14:00etara Euskal Etxeen plazan (Estelaren plaza) eta 16:00etatik 19:00etara Bulebar Bidebarrin.
• Urriaren 15ean: 11:00etatik 14:00etara Lamiakoko geltokian eta 16:00etatik 19:00etara Txopoetako garbitegian.
• Urriaren 28an: 11:00etatik 14:00etara Kandelazubietako kiroldegian eta 16:00etatik 19:00etara Iparragirre Zeharkalean.
• Urriaren 29an: 11:00etatik 14:00etara La Carbonera aparkalekuan eta 16:00etatik 19:00etara Manuel Irujo plazan.

Jasotako proposamenak udal zerbitzuek aztertuko dituzte, haien bideragarritasuna zehazteko eta egin daitezkeen hobekuntzekin aurrera egiteko.