Getxoko Udalak jardunaldi bat antolatu du haurtzarotik nerabezarora bitarteko haur eta gazteen gurasoentzat eta erreferentziazko beste helduentzat. Ekimen hau, Guraso Eskola udal programaren barruan kokatzen da, eta helburua du seme-alaben hezkuntzari lotutako behar eta erronka desberdinak lantzea, ikuspegi pedagogiko, prebentibo eta komunitariotik abiatuta.
Carmen Diaz Gizarte Kohesioko zinegotziak nabarmendu duenez, parte hartzen duten familiei baliabideak eskainiko zaizkie txikiek adierazten dutena hobeto ulertzeko. Horretarako, presentziatik, entzute aktibotik eta mugak ezartzetik lagunduko zaie haurrei, gatazkak eta eguneroko emozioak kudeatzeaz gain, komunikazio-modu asertiboago eta pedagogikoagoekin batera.
Jardunaldia urriaren 17an izango da, 10:30etik 13:00etara, Getxo Elkartegian. Antolatzaileek jakinarazi dutenez, ekitaldia euskaraz izango da, baina gaztelaniarako aldibereko itzulpen zerbitzua ere egongo da. Gainera, jardunaldia doakoa izango da, aurretik izena emanda dutenentzat.
Interesa dutenek gurasoeskolakgetxo@gmail.com helbidera idatzita edo 944 444 249 telefono-zenbakira deituta eman dezakete izena.
