Gertaera ostegun goizeko 10:00ak baino lehen jazo da. Ertzaintzak jakin izan du gidaria substantzia estupefazienteen eraginpean egon zitekeela. Agenteak bertaratu direnean, gizonezkoaren jarrera urduria ikusita, droga-testa egin diote, eta emaitza positiboa izan da.

Gidariak hauts zuri bat eta bederatzi pilula zeramatzan poltsa batean, ustez estupefazienteak. Horren aurrean, gizonezkoa atxilotu dute bide-segurtasunaren aurkako ustezko delitu batengatik, eta administrazio-zehapen bat proposatu diote Herritarren Segurtasuna Babesteko Legea urratzeagatik, drogak edukitzeagatik.

Atxilotua Getxoko polizia-etxera eraman dute dagozkion izapideak egiteko, eta horiek amaitutakoan, epailearen esku jarriko dute. Tren turistikoa bertan geratu da immobilizatuta, eta haurrak autobus bidez eraman dituzte beren ikastetxera.