Puntueusek abian jarri duen BAAI ekimen berriak webgune profesionalak sortzeko aukera eskaintzen du. Lehen erabiltzaileek urtebeteko doako webgunea, diseinuan laguntza eta arreta lehentasunezkoa jasoko dute. Hautaketa prozesuan parte hartzeko epea uztailaren 19ra arte egongo da zabalik.
Bestalde, EHU k eta UEU k elkarlanean Eraldaketa Digitala masterra abiarazi dute. Teknologia digitalek ekonomia eta gizartea etengabe eraldatzen dituzte, eta horregatik, irtenbide teknologikoak ulertu, diseinatu eta ezartzeko gaitasuna funtsezkoa da enpresen lehiakortasuna bermatzeko. Adimen artifiziala eta big data bezalako tresnak modu kritikoan eta eraginkorrean aplikatzea erronka nagusia da.
Asteazkenean, Industriaren Euskal Plataformako lantaldeak bildu ziren aurtengo proiektuak aztertzeko. Bertan, Lan-eremuko Hizkuntza Politikaren Gipuzkoako Plan Gidaria, Gehi ikerketa, Euskorporaren egitasmoa eta Eraldaketa Digitalerako graduondokoa ezagutzeko aukera izan zuten. Batzarrean parte hartu zuten Amaia Arregi Agirre k eta Garbiñe Mendizabal ek, besteak beste.
SPRIren Hiztegian, 'Baterako sorkuntza' terminoa ere jaso da, energia-baliabide primario bakarretik bi energia erabilgarri mota ekoiztea deskribatzen duena, prozesu batean erabilgarri ez den hondar-energia bestean erabiliz.
