Sestao Futbol Taldeak aurrerapauso berria eman du bere egitura zabalduz eta Ezkerraldeko lehen egokitutako areto-futbol eskola sortuz. Horrela, ekainaren 5ean eta 12an, proiektu berri honen entrenamendu pilotuak ospatuko dira, Sestaoko Udalaren eta Hasztenen laguntzarekin. Parte hartzeko, aurrez izena eman beharko da maiatzaren 31 baino lehen, 634 405 934 telefono zenbakira deituta edo Sestao Futbol Salaren webgunearen bidez.

Hau izango da Sestaok izango duen kirol egokituko hirugarren eskola, jada martxan dauden igeriketa eta pala eskolez gain. "Gaur egun, udalerriak igeriketa eta pala modalitateetan egokitutako eskolak ditu jada, eta ekimen berri honek dibertsitate funtzionala duten pertsonentzako kirol eskaintza zabaltzea ahalbidetuko du", adierazi zuen Borja Ramónek, Sestaoko Udaleko Kirol zinegotziak.

Sestao Futbol Taldeak ia bi urte daramatza proiektu hau gauzatzeko lanean. 2024ko Gabonetako torneoi solidarioan hasi ziren klubetik egokitutako areto-futbol eskola bat sortzeko aukera aztertzen. "Han Hasztenekin proiektuari buruz hitz egiten hasi ginen, eta gure aldetik, errealitate bihurtzeko prest gaude", gogoratu zuen Gorka Iglesiasek, Sestao Futbol Salako presidenteak. Erakunde honek, proiektu honekin, bere egitura ez ezik, gizarte sestaoarrari egindako konpromisoan eta ekarpenan aurrerapauso berri bat emango du.

Eskola berri hau sortzeko lanari ekin ziotenetik, erakundeak lan isil baina intentsua egin du proiektua gauzatzeko. Klubeko kide batzuen prestakuntza ere garrantzitsua izan da kirol egokituaren arloan. Sestao Futbol Taldearen helburua da datorren denboraldiaren hasieran egokitutako areto-futbol taldea errealitate izatea, nahiz eta ofizialki ez lehiatu. Denboraldi hori, 2027-2028 denboraldian lehiaketan sartzeko aurrekari izango litzateke.