Goizean, Oletako gurutzera joateko aukera izango dute nahi dutenek, Aginagatik 10:00etan abiatuta. Bertara joaten direnentzat hamaiketakoa antolatu da.
Eguerdiko 12:00etan meza ospatuko da, eta ordubete geroago, Julen Aranbarri Elorriaga II eta Ander Altuna Etxaluze aizkolariek erakustaldia eskainiko dute.
Egitaraua 14:00etan hasiko den herri bazkariarekin borobilduko da. Bazkarirako txartelak Oleta elkartean bertan egongo dira salgai.
Egun osoan zehar, gainera, Itzeder, Garixe eta Txibilter trikitilariek girotuko dute ekitaldia mendi gain horretan.
