Segurtasun Sailak gaitzespen irmoa adierazi du Leioa ko hezkuntza-zentro baten inguruan agertu diren kartel publikoen aurrean. Kartel horiek ertzain baten irudia eta mezu bat jasotzen zuten, zehazki, "flotilla humanitarioaren kideak jipoitu zituen dispositiboaren arduradun den zipaio hau. Jende bortitza da uniformearekin zein gabe. Astrabuduan bizi da, har ezazue bere aurpegia" zioen. Agente hori sare sozialetan ere seinalatua izan zen aurretik, Loiu ko aireportuan izandako gertakarien ostean.
Sailak gertaera horien aurrean bere elkartasuna eta babesa adierazi nahi die aipatu ertzainari eta bere familiari. Gainera, gogorarazi du Segurtasun sailburua k joan den maiatzaren 26 an Eusko Legebiltzarra n adierazi zuena: "Ez dugu onartuko inolako ertzain, ordezkari publiko edo militanteren aurkako ehiza digitalik eta fisikarik". Sailak bere babesa ere luzatu die Ertzaintza osatzen duten agente guztiei.
Gertakarien larritasuna ikusita, Segurtasun Sailak salaketa egin du eta dagoeneko kereila bat dago irekita. Orain, gertaera berri hauek direla eta, sailaren zerbitzu juridikoei jakinarazi diete, egileekiko neurriak har daitezen. Ertzaintza k ikerketa bat ere hasi du kartel horien egileak aurkitzeko.
