Asier Rodriguez Lopez, Santurtzi ko preso politikoa, baldintzapeko askatasunean geratu da asteartean, Espetxeko Zaintzako Epaile Zentralaren aginduz. Etxerat elkarteak jakinarazi duenez, 15 urte igaro ditu kartzelan. 2023an eskuratu zuen hirugarren gradua eta 2024ko otsailean hasi zen kondena telematikoki betetzen.
Etxerat, Euskal Preso eta Iheslari Politikoen Senide eta Lagunen Elkarteak, gogorarazi du gaur egun 64 preso politiko daudela espetxeratuta bere kideen artean, eta beste 36k beren kondena etxetik betetzen dutela kontrol neurrien bitartez.
