Hobekuntza nagusien artean, zoru tekniko berria jarri da, erresistentzia handiagokoa, eta azken belaunaldiko makinak gehitu dira. Helburua kirol gunearen funtzionaltasuna eta errendimendua nabarmen handitzea da.
Ekipamendu berrien artean, entrenamendu funtzionalerako kaiola polibalentea, kardio-makinen hedapena (korrika egiteko zinta autopropultsatuak, eski-simulagailuak eta air bike-ak) eta pisu libreko material gehiago nabarmentzen dira, hala nola barra olinpikoak eta disko sorta berriak.
Instalazio hauek Portukirolak zerbitzuaren fitness tarifaren barruan daude, beraz, ez da kuota gehigarririk ordaindu beharko. Gela irailaren 19tik aurrera egongo da erabilgarri, astelehenetik ostiralera 8:00etatik 21:00etara eta larunbatetan 9:00etatik 14:30era.
