Hautaketa-probak BECen egingo dira, ekainaren 19an, ostirala; ekainaren 20an, larunbata; eta ekainaren 21ean, igandea. Hiru ordu-tarte ezarri dira: 9:30ean, 13:30ean eta 17:30ean. Ordutegi zehatzak Osakidetzaren EPE webgunean kontsulta daitezke.

Deialdi honetan, martxoaren 23an izena emateko epea ireki zuten 9 kategoria profesionaletako azterketak egingo dira. Osakidetzaren 23-24-25 EPE berriak hainbat berrikuntza dakartza aurreko deialdiekin alderatuta. Horien artean, probaren nota gordetzeko aukera eta test motako azterketa bakarra egitea nabarmentzen dira. Hautagaien prestakuntza errazteko, Osakidetzak hautaketa-prozesu bakoitzeko galdera-sortak jarri ditu eskuragarri.

Guztira, 5.425 plaza eskainiko dira Osakidetzaren EPE berri honetan, horietatik 2.160 lanpostu berriak dira 107 kategoria profesionaletan. Ekainaren 19an, 20an eta 21ean egingo diren lehen probak 9 kategoria profesionali dagozkie, eta horien artean, tradizionalki hautagai gehien biltzen dituztenak daude.

Eusko Jaurlaritzako Osasun Sailak eta Osakidetzak EPE honekin, 23-24-25, plantillaren egonkortzearen eta sistema publikoaren indartzearen aldeko apustua berresten dute, Euskal Osasun Itunetik eratorritako konpromisoekin bat etorriz.