Osakidetzak 18.500 pertsona baino gehiago txertatu ditu bere txertoguneetan, joan den astelehenetik ostegunera bitartean (urriak 19-22). Eguneko batez beste 4.600 pertsona baino gehiago artatu dituzte. Horietatik ia erdiak COVID-19aren aurkako txertoa ere jaso du. Guztira, 18.000 gripearen aurkako dosi eta ia 9.000 COVID-19aren aurkako dosi eman dira.
Gripearen aurkako txertaketa iazko kanpainaren aldi berean baino 39.000 dosi gehiago gainditzen ditu (%15 gehiago), eta COVID-19aren aurkakoak, berriz, 30.000 dosi gehiago erregistratu ditu iazkoarekin alderatuta (%20 gehiago).
Lehen Arretan, urriaren 21era arte, 318.833 gripearen aurkako dosi eta 193.489 COVID-19aren aurkako dosi eman dira. Osasun Sailak eta Osakidetzak herritarren erantzuna oso positibotzat jotzen dute eta txertatzen jarraitzera animatzen dute, gripearen eta COVID-19aren konplikazio larriak prebenitzeko eta pertsona ahulenenak babesteko.
Gripearen jarduera maila baxuan mantentzen da, urriaren 12tik 18ra bitarteko datuen arabera. Lehen Arretan 693 gripe kasu eta 92 ospitaleratze erregistratu dira. COVID-19aren kasuan, 2.107 kasu eta 436 ospitaleratze izan dira.
Gripearen kasuen eta ospitaleratzeen kopuru handiena abenduan eta urtarrilean izan zen azken bi urteetan. Horregatik, ahalik eta lasterren txertatzea gomendatzen da, aurretiko hitzordua eskatuz osasun etxean edo azaroaren 1era arte txertoguneetan, aurretiko hitzordurik gabe. Azaroaren 2tik aurrera, herritar guztiek eska dezakete hitzordua gripearen aurkako txertaketa egiteko.
Osakidetzak 21.908 dosi gripearen aurkako txertoa eman die haurrei, eta 357 dosi emakume haurdunei. Osakidetzako profesionalen artean, 7.160 dosi eman dira.
Bilboko, Donostiako eta Gasteizko txertoguneak irekita egongo dira azaroaren 1era arte, hitzordurik gabe. Bilbon eta Donostian 8:00etatik 20:00etara eta Gasteizen 9:00etatik 21:00etara artatuko dituzte herritarrak.
