Leioako alkateak, Iban Rodriguezek, Marlene Dietrich, Alan Turing, Sara Josephine Baker, Lili Elbe eta Truman Capote bezalako pertsonaien bizitzak eta lorpenak nabarmendu ditu, LGTBIQ+ kolektiboari buruzko estereotipoak apurtzea helburu duen udal kanpaina batean. "Aurreiritziek isilarazi izan balituzte, mundua gaur egun gutxiago askea eta aurreratua izango litzateke", adierazi zuen alkateak.

Kanpaina honetan, esperientzia horiek bideo laburretan zabalduko dira, eta horietan Crisha Ibarra abeslaria, Pelayo García influencer-a, Gloria Otal leioaztar merkataria, Sarai Montes Errezpetuz Elkarteko presidentea eta Diego Pérez aktorea izango dira narratzaile.

Leioako Udala k 17M, LGTBIQ+fobiaren aurkako Nazioarteko Egunaren eta 28J, LGTBIQ+ Harrotasunaren Nazioarteko Egunaren arteko tartea baliatu du sentsibilizazio eta kontzientziazio ekimen hau abiarazteko, "Aurreiritziak hautsi ditzagun" lelopean. "Oraindik etiketak dauden mundu batean, orientazio sexualak, genero-identitateak edo genero-espresioak ez dute pertsonen talentua zehazten ideia hori nabarmentzen du kanpainak, kolektibo LGTBIQ+aren parte gisa beren burua definitu eta historian arrastoa utzi zuten aitzindari eta transgresore batzuen bizitza adibide gisa jarriz", azaldu zuen lehen alkateak.

Horrez gain, oroitzapen hauetarako beste ekimen batzuk egingo dira: ekainaren 1etik 28ra, Kultur Leioako liburutegiak LGTBIQ+ erakusketa bibliografikoa hartuko du. Aniztasuna irakurketaren eta ikusgarritasunaren bidez ospatzeko proposamen bat da. María Goiricelaya dramaturgoaren Dysphoria antzezlana ekainaren 4an, ostegunean, ikusi ahal izango da 19:00etan Kulturako auditorioan. Monologo fikziozko bat da, Gemma Matarranz aktoreak antzeztua, eta Trans Legean, genero-iruzurrean eta arau horren etika-haustearen aurkako gizartearen borrokan jartzen du fokua. Azkenik, hilaren 26an, ostiralean, 20:30ean, Aldapa auditorioak Sweet Rage kontzertua hartuko du.