Gertaerak goizaldeko hiru ak pasata izan ziren, Bilboko Udaltzaingoaren patruila batek Alameda Rekalde kalean zegoen edukiontzi batean sua ikusi zuenean. Berehala, Bilboko Suhiltzaileei abisua eman zieten, eta hauek lekura joan ziren garrak itzaltzera.
Sutearen ondorioz, edukiontzi bat erabat kiskalita geratu zen, eta garrak inguruan aparkatuta zegoen ibilgailu batera zabaldu ziren, guztiz suntsituta utziz. Udal iturriek baieztatu dutenez, ibilgailuaren jabeari ere jakinarazi zitzaion gertatutakoa.
Kasualitatez, erre zen edukiontzia paperarena zen. Bilboko Udaltzaingoak ikerketa bat ireki du gertaeren nondik norakoak argitzeko, eta oraingoz hipotesi guztiak irekita daude.
