Bilbo izango da berriro Bizkaiko ikastolen festa nagusiaren, Ibilaldiaren, epizentroa igande honetan, maiatzaren azken igandean, Txurdinagako Kirikiño ikastolan. Ekitaldiak eragina izango du auzoko kaleetan, eta horregatik, aparkalekuak kenduko dituzte.

Antolatutako jarduera ezberdinek eragina izango dute Bilboko auzoko kaleetan. Zehazki, goizeko seiak ingurutik arratsaldeko zortziak arte, ibilgailuak aparkatzeko eremuak okupatuko dira Circo Amateur del Club Deportivo kalean, kiroldegiaren parean. Era berean, Zuhatzu kalean, zenbaki 3aren parean, eta Gabriel Aresti etorbidean, Txurdinaga BHI institutuaren parean (13 eta 17 zenbakien artean, Jardines Garai gunearen ondoan), aparkatzea debekatuta egongo da.

Hiru kale horietan aldez aurretik seinaleztatuko da ibilgailuak aparkatzeko debekua ordutegi horretan.

Gaurko ekitaldiak lau urteko etenaldiaren ondoren itzultzen du Bizkaiko ikastolen festa hiriburura, aurreko edizioa Abusu Ikastolak antolatu baitzuen Bilbo eta Arrigorriaga lotuz.