Mendaro prest dago igande honetan Trinitate Eguna ospatzeko. Ekitaldi nagusia Trinidadeko baselizaren inguruan izango da, eta egitarauak meza, musika eta herri kirolak biltzen ditu.

Festak 10:30ean hasiko dira txistularien kalejirarekin. Ondoren, 12:00etan, Mendaro eta Itziarko abesbatzen parte hartzearekin meza ospatuko da. Meza amaitzean, 12:45ean, herri kirolak izango dira.

Aurtengo edizioan, Goizeder Abendibar harri jasotzen arituko da, eta Arkaitz Etxebeste zein Ugaitz Mugerza aizkoran. Ekitaldiari amaiera emateko, Mendaroko trikitilarien txanda izango da.

Astelehenean, Trinidade Txiki Eguna ospatuko da Mendaron. Egitarauak meza (11:00etan Trinidadeko baselizaren) eta Ikastolako haurren bertso saioa (12:00etan) barne hartzen ditu. Amaitzeko, Saioa Lizarralde eta Lean Esnaola trikitilarien emanaldia izango da.