Eusko Jaurlaritzako Gobernu Kontseiluak oniritzia eman dio 2026rako dirulaguntzen deialdiari. Programa horiek artxiboen antolaketa eta digitalizazioaren garapenerako dira, eta Euskal Autonomia Erkidegoko ondare dokumentala osatzen duten dokumentu eta funts pribatuen zabalkundea dute helburu.
Dirulaguntzek 80.000 euroko aurrekontua dute eta honako programa hauei zuzenduko zaizkie:
- Artxibo historikoen funtsak antolatzea, batez ere XX. mendeko dokumentazioa dutenak eta Euskal Autonomia Erkidegoko Ondare Dokumentala osatzen dutenak.
- Aurretik antolatu eta datu-base batean deskribatutako artxibo funtsak digitalizatzea. Proiektuek betiko kontserbaziozko artxibo digital bat sortzea eta Euskadiko Artxibo Sistemaren webgunearen bidez zabaltzeko kopia digital bat sortzea barne hartu beharko dute.
Diruz lagundutako programak 2026ko urtarrilaren 1etik abenduaren 31ra bitartean gauzatu beharko dira. Eskaerak aurkezteko epea hilabetekoa izango da, Euskal Herriko Agintaritzaren Aldizkarian Ordenaren argitalpenaren biharamunetik aurrera.
Joan den urteko deialdian, 2025ean, Eusko Jaurlaritzak 10 programa diruz lagundu zituen.
