Eusko Jaurlaritzako Elikadura, Landa Garapen, Nekazaritza eta Arrantza Sailak Euskadiko Baso Estrategiko Plana 2030 (PEMA 2030) aurkeztu du. Dokumentu honek baso-zuraren balio-kate osoa indartzeko eta eraldatzeko ibilbide-orri berria ezartzen du, sektorearen erronka nagusiei aurre eginez eta jarduera ekonomikoa, enplegua, berrikuntza eta lurraldearen kudeaketa iraunkorra sustatuz.
PEMA 2030ek bost proiektu estrategiko nagusi ditu ardatz. Horien artean, BITEK (Baso Berrikuntzarako Unitate Mistoa) sortzea nabarmentzen da. HAZIk eta Neikerrek elkarlanean bultzatutako unitate honek Euskadin basogintza eta zurgintza sektorearen iraunkortasuna, bioekonomia eta lehiakortasuna hobetzea du helburu. BITEKek ezagutza teknikoa mendira transferitzea eta baliabideak optimizatzea du xede, sektoreko profesionalen beharrei azkar erantzuteko.
Horrez gain, HAZIk BASODATA proiektua garatu du, Euskadiko Baso Kudeaketa Jasangarriaren plangintza, azterketa eta erabakiak hartzeko baliagarria den Biki Digital bat. Azpiegitura digital publiko honek, ingurumen- eta klima-presioari aurre egiteko, epe luzerako baso-gobernantza babesteko diseinatu da, eta lurraldearen digitalizazioan erreferente teknologiko gisa kokatzen du HAZI.
