Sestaoko Udala, lurzoru jabe nagusia den aldetik, hainbat sustatzailerekin eta partikularrekin batera, Txikito Bideko Ituntze Batzarrean bildu da astelehen honetan, ekainaren 15ean. Bileran, eremu estrategiko honen hirigintza-garapenerako aurrerapausoak eman dituzten erabakiak hartu dira.
Batzarrak TYPSA enpresari adjudikatu dio urbanizazio-proiektuaren idazketa, 549.023 euro gehi BEZaren truke. Dokumentu honek zehaztuko ditu etorkizunean garatu ahal izateko beharrezkoak diren azpiegiturak, hiri-zerbitzuak eta baldintzak.
Gainera, birpartzelazio-proiektuaren idazketa ere adjudikatu da. Tresna honek ondoriozko partzelen banaketa antolatuko du, lurzoruaren titularren artean eskubideak eta betebeharrak bidezko banaketa bermatuz.
Bestalde, eremuan sastrakak kentzeko eta garbitzeko lanak kontratatzea onetsi da. Jarduketa honek lurren egungo baldintzak hobetuko ditu eta proiektua gauzatu aurreko lanak erraztuko ditu.
“"Txikito Bidea hurrengo urteetan Sestao eraldatuko duen eremu bat da. Gaur urrats garrantzitsua egin dugu, proiektuak aurrera egiten duelako erabaki zehatzekin, benetako adjudikazioekin eta plangintza serioarekin."
Gorka Álvarez Sestaoko Alkateak erabakien balorazio positiboa egin du. "Urbanizazio-proiektuaren adjudikazioa oinarrizko mugarria da, aurrerapausoak eman baitaitezke izapideetan, gero eta gehiago hurbiltzeaz gain espazio horren eraldaketa", adierazi du. Alkateak gaineratu du garapen honek udalerriko eremu estrategiko bat antolatu eta eraldatuko duela, bizitegi-aukera berriak sortuz eta hiri-ingurunea hobetuz.
