Getariako uretan Euskadiko Traineru Txapelketa izango da etzi, ekainaren 7an. Hiru kategoria ezberdinetan lehiatuko dira ontziak, eta Gipuzkoako hiriburutzak hiru ordezkari izango ditu lehian: Donostia Arraun Lagunak emakumezkoen mailan, Donostiarra gizonezkoen absolutuan eta Fortuna beteranoen kategorian.

Txapelketa 11:00etan hasiko da beteranoen txandarekin. Fortuna bigarren txandan arituko da Mundaka, Badok 13 eta Getxo traineruekin batera. Lehen txandan, berriz, Plentzia, Zumaia, Iberia eta Illunbe lehiatuko dira.

Ondoren, 12:00etan, gizonezkoen kategoria absolutua izango da. Bertan, Donostiarra bigarren txandan lehiatuko da Bermeo, Orio eta Isuntza ontziekin. Lehen txandan, berriz, Zierbena, Getaria, Santurtzi eta Hondarribia izango dira aurkariak. Joan zen urtean, Oriok irabazi zuen txapelketa hau, Donostiarraren aurretik sailkatuz.

Azkenik, 13:00etan, emakumezkoen kategoria absolutua jokatuko da. Gipuzkoako txapeldun den Donostia Arraun Lagunak bigarren txandan arituko da Kaiku, Deustu eta San Juan traineruekin. Lehen txandan, berriz, Ondarroa, Tolosaldea, Isuntza eta Hondarribia lehiatuko dira. Iazko irabazlea Tolosaldea izan zen, Arraunen aurretik, eta aurten ere garaipena lortu nahian arituko da Lugañenea ontzia.