Bilboko Udaltzaingoak errepideko zaintza eta kontrol kanpaina berezia abiatu du gaur, urriaren 18ra arte luzatuko dena, patinete elektrikoen zirkulazio egokia eta harrapaketarik ez gertatzea helburu nagusitzat hartuta. Kanpaina honek bi helburu ditu: harrapaketak prebenitzea eta Mugikortasun Pertsonaleko Ibilgailuen (VMP), hau da, patinete elektrikoen, gidarien zirkulazio zuzena bermatzea.
Kanpaina hiriko auzo guztietan egingo da, goizez zein arratsaldez, kontrolak puntu ezberdinetan txandakatuz. Bereziki, VMP gidarien zenbait egoera eta jokabideek oinezkoentzat sor ditzaketen harrapaketa arriskua prebenitzea eta minimizatzea izango da jomuga.
Horrez gain, ekimen honen baitan, agenteek VMP gidarien araudiaren betetzeaz ere arduratuko dira, Trafiko Zuzendaritza Nagusiak (DGT) ezarritako erregistroan inskribatuta dauden egiaztatuz.
Eusko Jaurlaritzaren Bide Segurtasuneko Plan Estrategikoaren irizpideei jarraiki, Bilboko Udaltzaingoaren ekimen propioa da kanpaina hau.
