Bilboko Arte Ederren Museoa k bere Atrio Arriaga berria aurkeztu du, erakundearen arkitektura eraldaketaren mugarri nagusietako bat dena. Espazio honek museoaren bihotza izateko bokazioa du.
Ibone Bengoetxea, lehendakariorde eta Kultura eta Hizkuntza Politikarako sailburua, bertan izan da aurkezpenean. Bengoetxeak azpimarratu du atrio berriaren balio sinbolikoa, Francisco Durrio ren Monumento a Juan Crisóstomo de Arriaga lanak presiditzen duena. Bere hitzetan, Atrio Arriaga "zubia da iraganaren eta etorkizunaren artean, belaunaldien artean, gaur egunera ekarri gaituen memoriaren eta biharra eraiki nahi dugun anbizioaren artean".
Sailburuak museoaren etorkizuneko proiekzioa goraipatu du, historiarekiko lotura mantenduz. Bengoetxeak adierazi duenez, Bilboko Arte Ederren Museoa "ez da soilik museo bat; herrialdeko azpiegitura bat da".
Halaber, proiektua posible egin duen erakundeen arteko lankidetza nabarmendu du. Atrio Arriaga berria ekainaren 24an irekiko ditu ateak herritarrentzat, udazkenean aurreikusita dagoen museoaren berrinaugurazioaren aurrekari gisa.
