Basauriko Udala k dagoeneko hasi ditu Kareaga Goikoa 1, 3, 5 eta 7ko etxebizitzak ahalik eta lasterren eraisteko tramiteak. Etxebizitza horiek sute bat jasan zuten 2025eko urtarrilean eta egoera kaskarrean daude. Lehen urrats garrantzitsua izan da eraispenaren proiektu teknikoa idazteko enkargua egitea, baita lau eraikinen zuzendaritza fakultatiboa eta segurtasun eta osasun koordinazioa ere, 11.911 euro ko zenbatekoan. Udalak dokumentu hau uztailaren erdialderako eskuragarri izatea espero du. Hori denean, "eraisketa kontratatzeari ekingo zaio", aurreratu dute.
Kanpoko ingeniaritza enpresa batek egindako eta Udaleko Zerbitzu Teknikoek balioztatutako txosten tekniko batek ondorioztatu zuen Kareaga Goikoa kaleko 5. zenbakian izandako sutearen ondorioz, eraikin horretako zein 1, 3 eta 7 zenbakietako etxebizitzetan "kolapso arriskua dago aurretiazko abisurik gabe". Egoera honen aurrean, "ez da beste alternatibarik ikusten eraikinen egoera dela eta", adierazten du dokumentuak.
Inmuebleen baldintza horiek direla eta, txostenak zehazten du lau atariak eraistea dela bideragarri den esku-hartze bakarra. Etxebizitzak ordutik hustuta daude eta, gainera, ezin da inguruko espaloitik igaro. Eraispenaren ardura jabeena da, baina eraikinen egoera ikusita, Basauriko Udala k eraitsi egingo du subsidiarioki eta gero lanen kostua jabeen gain ezarriko du. Hori egingo du, "prebentzio eta basauritar herritarren interes orokorraren arrazoiengatik", justifikatu dute.
Ondoren, eta Plan Orokorrean jasota geratu den bezala, Kareaga Goikoa 1, 3, 5 eta 7 ingurua birgaitu eta Bizkotxalde n aurreikusitako 94 etxebizitza berri eraikitzeko aukera egongo da. Operazio urbanistiko hau ahalbidetuko duen HAPOaren aldaketa 2025eko uztailean onartu zuen udalbatza osoak, EAJ-PNV, PSE, PP eta Elkarrekin Podemosek aldeko botoarekin eta EH Bilduren abstentzioarekin.
