Basauriko Soloarte futbol zelaia kadete mailako futbol txapelketaren egoitza izango da datozen bi asteburuetan. Athletic eko jokalari mitikoaren peñak antolatutako Piru Gainza Txapelketa k iazko esperientzia arrakastatsua errepikatu eta bi txapelketa eskainiko ditu: bat gizonezkoentzat eta bestea emakumezkoentzat.

Emakumezkoen txapelketa izango da lehena, maiatzaren 30 eta 31n. Ekitaldi honen harira, Soloarteko instalazioetan Basauriko Emakumezkoen Selekzioaren aurkezpena egin zen, Asier Iragorri alkatearen eta Jon Zugazagoitia Kirol zinegotziaren babesarekin.

Sheila García entrenatzaileak 20 jokalari deitu ditu. Gehienak Basauriko Kimuak taldekoak dira, eta haien artean daude Ainhoa Arana, Nagore Burgoa, Nagore Aurrekoetxea, Izaro Martínez, Iraia Buján, Leire Peñas, María García, Maitane Basterra, Naia Cao, Teresa Ortiz eta Maider Soguero. Indartsu koak dira Carlota Corada, Garazi Guerrero, Nagore Aberasturi, Sara Talbi, Uxue Teno eta Yamilé Montserrat Espínola. Gainera, Yara Macho (Arratia), Nerea Prieto (Bilbao Artizarrak) eta Ane García (Eibar) ere taldean dira.

Emakumezkoen txapelketan sei taldek parte hartuko dute, larunbatean zein igande goizean partidak jokatuz. Basauriko taldea A multzoan lehiatuko da Elorrio eta Ugao ko taldeekin batera. B multzoa, berriz, Bizkerre, Etxebarri eta Bilbao Artizarrak taldeek osatuko dute. Txapelketa igandeko finalaren eta sari banaketaren ostean amaituko da, Manuela Eguiguren emakumeen elkarteari emandako sari bereziarekin.

Astebete geroago, gizonezkoen Piru Gainza Txapelketa jokatuko da. 2025ean jokatu ez ostean, Soloarte ko zelaia berriro hartuko du Athletic ek, A multzoan Basauriko Selekzioarekin eta Deportivo Alavés ekin batera. B multzoa, berriz, Real Sociedad, Rayo Vallecano eta TSK Roces (Asturias) taldeek osatuko dute. Sei talde bikainek parte hartuko dute ekainaren 6 eta 7an jokatuko den txapelketa honetan, eta Basauriko Danbolin Txistulari Elkartea musika taldearen omenaldiarekin amaituko da.