Alonsotegi prest dago Andra Mari jaiak ospatzeko, maiatzaren 29tik 31ra bitartean. Jaiak ostiralean, hilak 29, hasiko dira 19:00etan Alpino Goikomendi taldeak eskainiko duen pregoiarekin eta txupinazoarekin. Ekitaldi nagusiak Plaza de las Escuelas-eko jai gunean izango dira.

Aurtengo ekitaldi aipagarrienen artean, Xiquets de Tarragona taldearen kantaldi ikusgarria izango da larunbatean, hilak 30, 18:30ean. Aurreko egunean, ostiralean, 21:00etan, entsegu irekia egingo dute Udaletxeko plazan.

Larunbatean, gainera, txikigune egongo da 12:00etatik 14:00etara eta 17:00etatik 19:00etara Plaza Medinabeitia-n. Sukalki lehiaketa eta bingoa ere izango dira. Musikari dagokionez, Extremoduro eta Robe-ri omenaldi bat eta Marea taldearen abestiak joko dituen beste bat izango dira.

Igandean, besteak beste, ohiko meza ospatuko da Ahotsak taldearekin batera. Euskal dantzak, parrillada eta "rana" jokoaren lehiaketa ere izango dira.