Barakaldoko Udaltzaingoak gizon bat atxilotu du Urban-Galindo auzoan, Zamalanda parkean gertatutako lapurreta baten berri jaso ondoren. Dirudienez, goizeko 10:00ak aldera, gizon bat emakume adineko bati oldartu zaio, eta tiraka poltsa kendu dio.
Segurtasun Sailak jakinarazi duenez, erasotzaileak ihes egin du gertakariaren lekutik, baina auzoko etorbide nagusian harrapatu dute, eraikitzen ari den bloke baten parean. Hainbat bizilagunek adierazi dutenez, ustezko lapurra hainbat langilek geldiarazi dute, udaltzainak iritsi eta atxilotu arte.
Erasoaren ondorioz, 84 urteko emakumeak hainbat lesio izan ditu. Sorbalda bat luxatuta du, eskuan puntu batzuk behar izan dituen ebaki bat, eta begi bat puztuta.
