Dantza eta antzerki lan hau, 60 minutukoa eta publiko guztientzat zuzendua, urriak 24an arratsaldeko 21:00etan izan zen ikusgai. 'Las que tienen que servir' proiektu artistikoak garbitzaileak eta etxekoandereak biltzen ditu artearen, musikaren, dantzaren eta literaturaren historian beren irudikapena berrikusteko. Eztabaida, idazketa, collage eta performance tailerren bidez, beren keinuak eta oroitzapenak eszenaratze pieza batean eraldatzen ditu.
Fernando López (1990) dantzari, koreografo eta filosofoa da. Paris 8-Saint Denis Unibertsitateko Estetika sailean doktorea, sorkuntza artistikoa eta ikerketa akademikoa uztartzen ditu. 2009tik bere konpainia zuzentzen du flamenko garaikidearen esparruan.
BAD Bilbao jaialdia urriak 25ean amaituko da, eta bere egitarauak lau estreinaldi izan ditu Euskadin, bat estatuan eta sei estreinaldi absolutu. Aurten, La Fundición, Harrobia Eskena, Bilborock, Campos Antzokiko Kupula Aretoa eta Dantzerti izan dira egoitzak. Egitarau osoa badbilbao.eus webgunean kontsulta daiteke.
Gaurko emanaldietarako sarrerak leihatilan eros daitezke, 10 euro ren truke, eta/edo BADen webgunearen bitartez.
