Zumarragan bildu dira Urola Garaia ko hainbat ordezkari, eskualdeko segurtasun egoera sakon aztertzeko. Topaketan, Zumarraga, Urretxu, Legazpi, Antzuola eta Ezkio-Itsaso ko ia 30 eragile sozial, ekonomiko eta instituzionalek parte hartu dute, dinamika parte-hartzaileen bidez diagnostikoak, esperientziak eta proposamenak biltzeko.

Bilera honek elkarrizketa eta esperientzia trukerako gune gisa balio izan du, segurtasunaren ikuspegi zabalago bat sustatuz, polizia-eremutik haratago doana. Prebentzioa, larrialdiak, trafikoa, ingurune naturala eta beste hainbat gai jorratu dira. Besteak beste, larrialdien kudeaketa, ziberdelinkuentzia, emakumeen aurkako indarkeria, bide-segurtasuna, droga-kontsumoa eta klima-aldaketak ingurunean duen eragina izan dira eztabaidagai nagusiak.

Topaketan, Bingen Zupiria Segurtasun sailburuak eta Eider Mendoza Gipuzkoako diputatu nagusiak parte hartu dute, Eusko Jaurlaritzako Segurtasun Saileko, Gipuzkoako Foru Aldundiko, eskualdeko udaletako, Ertzaintzako eta udaltzaingoetako beste ordezkari batzuekin batera. Gainera, eskualdeko gizarte, hezkuntza eta enpresa arloko eragileek ere parte hartu dute, analisiari ikuspegi anitzak eskainiz.

Gaurkoa Basque Segurtasun Foroa ren hogeita hirugarren bilera izan da, Euskadi osoan zehar egiten ari den prozesu parte-hartzaile baten baitan. Prozesu honen helburua segurtasunari buruzko diagnostiko partekatu bat eraikitzea da, ikuspegi integral batetik. Hurrengo hitzordua apirilaren 21ean izango da Gernika-Lumon.