Gaur jokatu den finalaurrekoan, Goierriko taldeak nagusitasuna erakutsi du Bidasoako Txingudi A taldearen aurka. Horrenbestez, maiatzaren 30ean Aiako finalean kantatzeko aukera eskuratu dute.

Manex Mantxola, Mikel Iturrioz eta Antton Fernandez izan dira Goierriko taldeko ordezkariak. Bidasoako taldean, berriz, Jon Luzuriaga, Igauri Lopetegi eta Manu Goiogana aritu dira kantuan. Sei bertsolariek saio arina eta ederra eskaini diete bertan bildutako 50 entzule ingururi.

Finalean, Zumarraga-Urretxuk Leintz taldearen aurka jokatuko du. Azken talde hau Haizea Arana, Oihana Arana eta Ane Zuazubiskarrek osatzen dute.

Finalerako sarrerak eskuragarri daude dagoeneko bertsosarrerak.eus webgunean.