Lanek errepideko zati bat hartuko dute, zehazki Etxetxiki baserriaren (57,250 kilometro puntua) eta Sutegi kafetegiaren (57,360 kilometro puntua) artekoa. Zirkulazioa bi noranzkoetan egongo da itxita tarte horretan.
Mozketak ez du eraginik izango GI-2120 errepidearen eta Lauztierreka bidearen arteko bidegurutzean. Errepide zati horretatik igaro behar duten ibilgailuek GI-3151 errepidea erabili beharko dute, Aia eta Urkillaga auzoetara desbideratuz.
Era berean, San Martin, San Gregorio eta Ergoiena auzoen arteko joan-etorriak egiteko ere bide hori erabili beharko da, bi noranzkoetan. Lanak amaitzean, behin-behineko seinaleak kendu eta ohiko zirkulazioa berrezarriko da.
