Sasieta mankomunitateko zabor-bilketa zerbitzuko ibilgailu batek ezusteko sua izan zuen atzo gauean. Langileak karga deskargatzen ari zirela ohartu ziren sugarrak piztu zirela, eta berehala eman zieten abisua larrialdi zerbitzuei.
Guztira lau suhiltzaile-talde bertaratu ziren Nekolalde kalera. Sua itzaltzeko lanak errazteko, kamioiaren edukia errepidean hustu behar izan zuten. Ez zen kalte pertsonalik edo material larririk gertatu.
Errepidea itxita egon da suhiltzaileek sua itzali eta Sasieta zerbitzuko langileek erretako materiala erretiratu duten arte.
