Gaur, ostirala, Legazpiko azoka eguna da, eta elizako arkupeen ondoan postu berezi bat dago. Urretxuko Iparragirre institutuko Zereginen Ikasketa Gelako ikasleek jarri dute, eta bertan eskolan egindako gozoak, gailetak eta eskulanak eskaintzen dituzte. Gainera, Realari keinu eginez hainbat giltzatako eta bestelako produktuak ere salgai dituzte.

Gazte hauek Urretxu, Zumarraga, Lazkao, Ordizia, Ataun eta Ormaiztegi herrietakoak dira, eta azken hilabeteetan Goierriko azoka ezberdinetan ibili dira. Beraien helburua da beraiek egindako produktuak salduz ikas-bidaia egiteko dirua lortzea. Bidaia hori maiatzeko azken astean egingo dute, Saloura (Herrialde Katalanak) helmuga dutela. Maiatzaren 8an berriro itzuliko dira Legazpiko azokara.