Ekitaldi horien artean, haur eta familientzako ipuin kontaketa arrakastatsua eta San Andres herri eskolako ikasleen kontakizunak izan ziren joan den astean. Gainera, herrian bizi den idazle batek bere azken eleberria, Lo nuestro, aurkeztu zuen ostiralean, gizarte etxeko aretoa beteta zegoela.

Liburuaren Nazioarteko Eguneko egitarauaren hurrengo hitzordua bihar izango da, herriko irakurle taldearen literatura solasaldiarekin, 18:00etan. Bertan, Ane Zubeldiaren Kontra poesia liburua aztertuko dute, eta saioa Miriam Lukik gidatuko du.

Liburuaren Astea asteazkenean amaituko da, Ameli taldearen Udaberriko istorioak ipuin kontaketa musikatuarekin. 4 urtetik gorako haurrak dituzten familiei zuzendutako saioa da, eta liburutegian egingo da 17:00etan. Ekitaldi hauetara joaten direnen artean hainbat liburu zozkatuko dira.