Aktibatu Legazpi programaren barruan martxan jarritako igerilekuko erronkak arrakasta handia izan du, parte-hartzaile kopuruak eta lortutako emaitzek erakusten dutenez. Ekimen honek herritarren inplikazioa eta kirol ohituren sustapenean dagoen interesa agerian utzi du.
Guztira 211 pertsonak hartu dute parte jarduera fisikoa eta ohitura osasungarriak sustatzeko helburua zuen ekimenean. Parte-hartzaileen artean, 159 lagunek gutxienez zortzi eguneko igeriketa jarduera bete dute.
Igeriketa jarduera bete dutenen artean zozketa berezi bat egin da, Legazpiko herriko dendetan erabiltzeko 50 euroko hiru bonu banatzeko. Irabazleak hiru herritar izan dira.
“"Ekimenak harrera bikaina izan du eta parte hartze altuak agerian uzten du herritarren inplikazioa eta kirol ohituren sustapenean dagoen interesa."
