Azken egunotan, zenbait etxebizitzatako ateetan markatzaileak aurkitu dira. Lapurretak egin nahi dituzten pertsonek etxebizitza bat okupatuta dagoen edo denbora-tarte batez hutsik dagoen egiaztatzeko erabil ditzakete elementu hauek.
Markatzaileak atearen eta markoaren artean jartzen dira normalean, eta horrela, norbait etxebizitzan sartu edo irten den detektatu ahal izaten da. Markatzailea hainbat egunez ukitu gabe mantentzen bada, bertan jarduerarik ez dagoela adierazi dezake.
Hori dela eta, Legazpiko Udalak gomendatzen die herritarrei beren etxebizitzetako ateak aldizka berrikusteko eta atearen eta markoaren artean aurki daitezkeen ezohiko elementuei erreparatzeko.
Markatzaileren bat aurkituz gero, komeni da kentzea eta ahalik eta lasterren agintariei jakinaraztea.
Edozein abisu edo kontsultarako, herritarrek harremanetan jarri ahal izango dira:
Udaltzaingoa: 943 10 96 62 Ertzaintza: 943 53 47 20
Herritarren lankidetza funtsezkoa da egoera mota hauek prebenitzeko eta udalerrian segurtasuna mantentzen laguntzeko. Edozein egoera susmagarriren aurrean, gomendatzen da udaltzainei edo Ertzaintzari jakinaraztea.
