Legazpi herriak Kanariar Irlen folklore jaia ospatu du asteburuan, Tegueste ko Loreen dantza eta Gomera ko txistuak protagonista izanik. Uztakale programak antolatutako ekitaldian, Sustraiak dantza taldeak eta Goiz Deia txistulari bandak parte hartu dute.
Harreman berri bat sortu da Legazpiko eta Teguesteko (Tenerife) dantza taldeen artean, iaz Legazpiko taldea Tenerifen izan zenean dantza taldearen 50. urteurrena ospatzeko antolatu zen ekitaldian. Bertan bizi den Rogelio Botanz abeslariaren bitartez jarri ziren harremanetan, eta Teguesteko Loreen dantza ezagutu zuten.
Bisita honen emaitza gisa, Teguesteko dantzariak Legazpin izan dira, eta beraien Loreen dantza bi aldiz eskaini dute: larunbat arratsaldean Aztiria ko Santa Marina jaien barruan, eta igande eguerdian Euskal Herria plaza n.
Rogelio Botanz abeslaria ere etorri da dantzariekin batera, bere Percuteras de Garaldea perkusio taldearekin. Gainera, Gomerako txistua ekarri du, eta bi erakustaldi eskaini ditu: bata ostiralean, Adelma Mendez adituaren laguntzarekin, eta bestea igande eguerdian, Sutan Ttakun txalapartariekin batera.
Legazpiko Udala k harrera egin zien kanariarrei larunbat eguerdian, eta opariak trukatu zituzten.
