Igartubeiti Baserri Museoa k mende laurdena bete du aurten, tradizioa eta garaikidetasuna uztartuz hainbat talde, elkarte eta bisitariekin elkarlanean aritu ondoren. Urteurrena ospatzeko, irailaren 26an, Segura n, festa berezi bat antolatu da, “Sagarra ehuntzen: 25 urte sarean” izenburupean.
Ekitaldiak arratsaldeko 16:30ean hasiko dira eta Igartubeitiko komunitatea osatzen duten Ezkio-Itsasoko haur eta irakasle, eskualdeko bizilagun, hornitzaile eta museoaren lagunak gonbidatu dira. Parte hartzaileek sagar itxurako egitura bat eraikiko dute elkarrekin, zumitza eta sormena uztartuz. Lan horretan, apirilean Ezkio-Itsasoko ikasle eta irakasleek egindako piezak batuko dira, artisau Itziar de La Granja ren gidaritzarekin. Sagarraren oinarria, berriz, Made in Segura ko Daniel Allen artisauak landu du.
Museoak adierazi duenez, sagarra ez da soilik fruitu bat, baizik eta urte hauetan ehundutako sarearen sinbolo bat, lotura, lankidetza eta istorio bakoitzak zerbait handiagoa osatzen duen espazioa irudikatzen duena. Zumitz adar bakoitzak gogorarazten du museoa pertsona guztien parte-hartzearen esker bizi dela, eta elkarrekin edertasuna, memoria eta komunitatea eraiki daitezkeela.
Jarduera honek kolektiboaren indarra, memoria partekatua eta elkarrekin hazten jarraitzeko konpromisoa ospatzen ditu. Gainera, irailaren 26an, bertaratzen direnek belar-meta bat eraikitzeko aukera izango dute, beste jarduera kolektibo bat gauzatuz. Bi ekintzek tradizioaren eta garaikidetasunaren arteko elkarrizketa eta museoaren elkarlanaren isla dira.
Festa belaunaldi artekoa izango da, eta edonork har dezake parte. Izena emateko aukera dago online (igartubeiti@gipuzkoa.eus) edo telefonoaren bidez (943 72 29 78).
