Ikastaroa ekainaren 3tik uztailaren 17ra bitartean emango da, astelehenetik ostiralera, bi ordutegi aukeran: goizez, 10:00etatik 12:00etara, edo arratsaldez, 15:00etatik 17:00etara.

Ikastaroa doakoa izango da Ordizian bizi edo lan egiten duten pertsonentzat, Ordiziako Udalak finantzatuko baitu. Izena emateko epea maiatzaren 22an amaituko da.

Interesdunek Goiztiri Euskaltegiaren bulegoetan eman dezakete izena, baita ordizia@aek.eus helbide elektronikoaren bidez, 943.889.174 telefono zenbakira deituz edo 688.746.638 WhatsApp zenbakia erabiliz.

Harrera-ikastaro honek euskara ikasteko lehen urratsak ematea du helburu, hizkuntzaren ezagutza sustatuz eta modu erraz eta irisgarrian sarbidea erraztuz. Ikasleek gizartea ezagutzeko aukera ematen duten gaiak landuko dituzte, hala nola agurrak, familia, eskola, garraioa, zenbakiak eta merkatua.