Ordizia ko Garagartza plazan izango dira kontzertuak larunbatean, ekainaren 6an, 19:00etatik aurrera. Bertan arituko dira Aimarz, ASFA eta Nerea García, eta Undercarrot DJ-ren saio batekin amaituko da musika egitaraua. Ekitaldi hau Gipuzkoako Foru Aldundiko Kultura eta Gazteria departamentua k bultzatutako zirkuituaren barruan kokatzen da, lurraldeko gazteen artean kultura garaikidea sustatzeko helburuarekin.
Aurtengo artisten artean, Zumarraga ko Aimarz nabarmentzen da, euskal musikaren eszenan ahots interesgarrienetako bat bihurtu dena, bereziki Entzun dezatela kantuak izan duen oihartzunaren ostean. Harekin batera arituko da ASFA, musika urbano garaikidean bere proiektua sendotzen ari den artista. Gainera, Ordiziako Nerea García k irekiko ditu ateak kontzertuari, eta Undercarrot DJ-k jarriko dio amaiera egitarauari.
Ostiralean, ekainaren 5ean, hasiko da programa Dorretxe n (Amezketa kaleko 2. zenbakian) egingo den dantza masterclass batekin. Maitane Pérez Madrazo dantzari eta irakasle ordiziarrak emango du saioa, estilo urbanoetan zentratuko dena. Parte hartzeko aurretiaz izena eman beharko da.
“"Ekimenak gazteen interes eta beharrei erantzuteko funtsezkoak dira, eta horregatik udalak urte osoan ahalegin berezia egiten du eskaintza erakargarria bultzatzeko"
Adur Ezenarro, Ordizia ko alkateak, azpimarratu duenez, "urtez urte Gipuzkoan Gazte Tourraren beste geldialdi bat izango dugu Ordizian". Alkateak nabarmendu duenez, "kulturak ere gazteengana iritsi behar du beraien hizkuntzekin eta interesekin konektatuz", eta horrelako programak "hain zuzen ere aukera hori eskaintzen dutela" balioetsi du. Ezenarrok konfiantza agertu du egitarauaren inpaktuarekin, eta "aurtengo kontzertuek giro bikaina sortuko dutela eta gazte askorentzat topagune bihurtuko direla" adierazi du.
