Goierriko Jazzaldia ren hamahirugarren edizioa Ordizia n hasiko da gaur, uztailaren 1ean, eta larunbatera arte luzatuko da. Ekimenak, jazz musika Goierri eta inguruko bailaretako herritarrengana hurbiltzea du helburu, generoaren aberastasuna eta aniztasuna ezagutaraziz.
Antolatzaileek aurreratu dutenez, aurtengo egitarauak «kalitate handiko eta askotariko gonbidatuak» izango ditu. Urte hauetan guztietan parte hartu duten musikarien zerrendak egindako lanaren kalitatea eta harrera erakusten duela adierazi dute, maila handiko artistak ekartzea eta publikoari esperientzia bereziak eskaintzea beti izan dela beraien helburu nagusietako bat.
Aurtengo egitaraua Dj Makala ren kontzertu-hitzaldiarekin hasiko da gaur, Sugaar tabernan, 21:00etan. Mikel Unzurrunzaga zarauztarrak bere ibilbide artistikoaren errepasoa egingo du.
Ostegunean, uztailaren 2an, Esencia Ternaria afro-perutar jazz hirukote madrildarra arituko da Udaletxeko arkupeetan, 22:00etan. Taldeak Peruko kostaldeko soinu-aberastasuna eta inprobisazio garaikidea uztartzen ditu.
Ostiralak bi emanaldi ekarriko ditu Plaza nagusia ra: 20:30ean, NHIL musika-proiektu aretxabaletarra, pop organikoa, soul eta R&B eraginak dituena; eta 23:00etan, Lea Maria Fries abeslari, konpositore eta pianista suitzarra, jazz garaikidea, soula eta spoken word nahasten dituena.
Larunbatean, jaialdiaren azken egunean, Plaza nagusia n izango dira emanaldiak. 19:00etan, Zirriborro Jazz Band ek, Edorta de Pedro ren zuzendaritzapean, Goierriko Musika eskolei eskainitako tartea beteko du. Ondoren, 20:30ean, Bartzelonako Hip Horn Brass Collective brass bandak New Orleanseko tradizioa hip hop, funk eta jazz garaikidearekin uztartuko du. Jaialdia Daniel Migliosi tronpetista luxenburgotarraren eskutik itxiko da, 23:00etan, Europako jazz belaunaldi berriko izen interesgarrienetako bat dena.
