Beasaingo Udal Euskaltegiak zabaldu du matrikulazio epea 2026-2027 ikasturte osorako. Irailaren 1etik 18ra bitartean eman ahalko da izena Udal Euskaltegiaren idazkaritzan edo telematikoki, maila eta profilarik anitzenei erantzuteko prestaturiko ikaskuntza-eskaintza zabalean.
Eskaintzak A1, A2, B1, B2, C1 eta C2 maila guztiak hartzen ditu barne. Aurrez aurreko eskolak (astean 2, 3 edo 4 egunetan) zein autoikaskuntza konbinatzeko aukera egongo da. Titulazioa lortu nahi dutenei zein euskaraz idazteko eta hitz egiteko erraztasuna handitu nahi duten euskaldunei zuzendutako saioak eskainiko dira. Halaber, herriko ostalaritza eta merkataritza sektoreetako langileentzat diseinatutako oinarrizko ikastaro bereziak ere egongo dira aukeran.
Lanean zein egunerokoan moldagarritasuna behar duten herritarrei begira, ordutegi malgua jarri da martxan. Maila gehienetan taldeak goizez zein arratsaldez osatuko dira, txandaka lan egiten duten pertsonek klaseetara ere txandaka etortzeko erraztasuna izan dezaten. Bestalde, euskara ikasteko bidean ahalmen ekonomikoa oztopo izan ez dadin, matrikularen ordainketan erraztasunak emango dira eta ikasleek bai Beasaingo Udalaren zein HABE ren dirulaguntzak jasotzeko aukera izango dute. Ikasturte osoko ikastaroak urriaren 1ean hasiko dira.
