LAB sindikatuak jakinarazi duenez, langileen batzarrek hitzarmen kolektiboa berritzeko aurreakordioa berretsi dute. Akordioak hiru urteko indarraldia du eta hainbat hobekuntza jasotzen ditu, hala nola Beasain eta Irungo tailerretan lanpostu berriak sortzea eta errelebo-kontratua bermatzea.
Soldata-igoerak KPIaren gainetik egongo dira eta lanaldiari dagokionez, 1.592,5 orduko muga ezarri da kolektibo guztientzat. Gainera, LAB sindikatuak nabarmendu du lanaldi-murrizketak lortzeko bidea ireki dela, 4. erreleboko langileentzat 1.584,5 orduko lanaldia adostu baita.
Hitzarmenak lizentzien hobekuntzak, lan-bidaietarako baldintza hobeak eta euskararen ikaskuntzarako prestakuntza-neurriak ere barne hartzen ditu. Sindikatuaren arabera, azken asteetako mobilizazioek funtsezko pisua izan dute patronalaren jarrera aldatzeko.
