Beasain go Antzizar kiroldegia igeriketaren bilgune bihurtu da gaur goizean, 37. Antzizar Igeriketa Sari Herrikoia eta 23. Leire Contreras Memoriala ekitaldiekin. Hainbat klubetako 80 igerilari inguru bildu dira probetan parte hartzera.
Aloñamendi, Ordizia-Lazkao, Buruntzaldea eta Hernani ko taldeetako ordezkariak izan dira bertan, besteak beste. Goizeko 10:30ean hasi da lehiaketa, eta bi zati nagusi izan ditu.
Lehenengo zatian, igerilariek banakako probetan hartu dute parte, lau estilo ezberdinetan: bular, bizkar, tximeleta eta krol. Ondoren, abiadura eta erresistentzia neurtzeko australiar proba jokatu da.
Australiar proban, maila guztietako neska eta mutilek igerilekuaren zabaleran zehar igeri egin dute serieetan. Aldi bakoitzean azken sailkatuak kanporatuz joan dira, irabazlea erabaki arte.
