Goizez haurren mailako lehiaketak jokatu ziren, eta arratsaldez, kimuen mailakoak. Taldeak hainbat garaipen eskuratu zituen, horien artean Araitz Borda eta Garazi Sudupe bikoteak lortutako Gipuzkoako Txapelketa.

Bikote honetan, Bordak lehen postua eskuratu zuen uztaiarekin, eta Sudupek bigarrena sokarekin. Emaitza hauei esker, bikotea Euskadiko Txapelketa jokatzeko sailkatu zen. Kimuen mailan, Floreaga taldeak ere txapelketa irabazi zuen.

Haurren mailan, Zubiberri F eta A taldeek bost uztaien modalitatean lehiatu zuten. Zubiberri F taldea, Nora Illarramendi, Jare Casas, Mara Ibarmia, Elene Santos, Leire Pardo eta Arene Azpitartek osatua, bigarren sailkatu zen. Zubiberri A taldea, Intza Arregi, Aiuri Ezkerra, Camila Granados, Araitz Borda, Naia Aizpurua, Arette Hernandez eta Garazi Sudupek osatua, hirugarren postuan geratu zen, eta gainera, Euskadiko Txapelketa jokatzeko txartela lortu zuen.

Arratsaldeko kimuen mailako lehiaketan, Floreaga taldeak txapelketa irabazi zuen hiru pilota eta hiru esku libre modalitatean. Talde hau Nora Murillo, Ane Murillo, Ane Aizpurua, Jone Martinez, Zihara Aranburu eta Irati Miguezek osatu zuten. Bestalde, Xabier Munibe taldea hirugarren izan zen, Malen Egino, Jule Arregi, Nura Alberdi, June Kortadi eta Aliana Pachecok osatuta.