Errespetatu Andoain plataformak bultzatuta, herritar ugari bildu dira Donostian dagoen foru egoitzan dokumentazioa entregatzeko. Ekimen honek jarraipena ematen dio Andoaingo Udalak asteartean aurkeztutako alegazioei, proiektuaren aurkako jarrera bateratua erakutsiz.
Plataformako kideek azpimarratu dutenez, aurkeztutako kopurua ez da behin betikoa, oraindik bide telematikoen bidez eta Gipuzkoako beste herri batzuetatik irits daitezkeen alegazioak zenbatzeke baitaude. Erakunde foralari erantzukizunez jokatzeko eta konponbide egokiena bilatzeko eskatu diote.
Azken egunetan gaiaren inguruko eztabaida areagotu egin da Andoainen, udalbatzaren azken osoko bilkuran gai nagusi bihurtzeraino. Orain, foru erakundearen erantzunaren zain geratzen dira, proiektuak herrian sortu duen kezka soziala kontuan hartuta.
