Nahiz eta eguraldia ez zen lagungarri izan, Usurbil eta Arantzazu arteko ibilbide luzea arrakastaz burutu zuten. Urtero bezala, lagun talde batek erronkari heldu zion, Mikel Laboa plazatik goizaldeko 4:00etan abiatuz, helmugara lasaiago iristeko asmoz.
Ibilbideak 63 kilometro ditu guztira, eta bidean zehar hainbat geldialdi egiten dituzte. Horien artean, Mandubian hamaiketakoa hartzen dute, Zumarraga parean arropa aldatzeko aukera izaten dute, eta Legazpian bazkaltzeko gelditzen dira. Eguna Arantzazura iristean askari batekin borobiltzen dute, non ohitura hau sustatu zuten herrikide beteranoak batzen zaizkien.
Duela lau hamarkada inguru hiru lagun hasi ziren ibilbide hau egiten.
Antolatzaileen arabera, duela lau hamarkada inguru hiru lagunek hasi zuten tradizio hau. Pixkanaka, Usurbil eta inguruko herrietako mendizale gehiago batu ziren, hala nola Donostia, Amasa, Zizurkil eta Tolosa aldekoak. Taldea berrogei lagunetik gorakoa izatera iritsi zen garai batean, eta gaur egun ere bizirik dirau, belaunaldi ezberdinen arteko lotura sustatuz.
