Donostiako biztanleek erakutsitako eskuzabaltasunari esker, elkarteak 5.198,68 euro lortu ditu pasa den larunbatean, hilaren 13an, burututako ekimenean. Bildutako diru kopuruak gizartearen babesa islatzen du minbizia duten pertsonekiko, baita osasun arloko profesionalekiko eta boluntarioekiko konpromisoa ere.
Aurtengo kanpainak Gelditzen zarenean, minbiziaren aurka mugitzen gara leloa izan du. Ekimenaren bidez, herritarrak elkartearen mahaietan gelditzera animatu dituzte, ikerketa zientifikoa sustatzeko eta gaixoen bizi-kalitatea hobetzeko mugimendu kolektibo bat aktibatuz.
Lortutako baliabide ekonomikoak hainbat arlotara bideratuko dira: ikerketa proiektuen finantzaketa, paziente eta senideentzako arreta programak, eta gaixotasuna prebenitzeko zein detekzio goiztiarra egiteko kanpainak. Helburu nagusia minbiziaren biziraupen tasa %70era igotzea da.
Elkarteak eskerrak eman dizkie ekimenean parte hartu duten boluntario guztiei, hiriko hainbat puntutan informazio mahaiak kudeatzeagatik. Era berean, dohaintza egiteko aukerarik izan ez zuten herritarrei gogorarazi diete ekarpenak online egiteko bideak zabalik jarraitzen duela.
