Laboratorio Central de Veterinaria de Algete-k baieztatu duenez, Gipuzkoako ustiategi batean aurkitu dute birusa. Abereen egoera klinikoa egonkorra da eta zerbitzu ofizialek jarraipena egiten diote ustiategiari. Birusak, oro har, sintoma arinak eta iragankorrak eragiten dizkie abere helduei, hala nola sukarra, beherakoa edo esne ekoizpenaren jaitsiera.
2026ko udaz geroztik, birusa hamahiru herrialde europarretan atzeman da. Espainian, hainbat probintziatan aurkitu dute, eta agintariak erne daude. Frantzian pertsona immunodeprimitu batean egindako aurkikuntza salbuespenezkoa izan da, eta ikerketa abian da kausa-erlazioa zehazteko.
“"El virus Shamonda no es una enfermedad incluida en la lista de enfermedades de la Unión Europea y su detección no comporta medidas como el sacrificio de los animales o restricciones generales de movimiento. La respuesta se basa en la vigilancia, la atención veterinaria de los animales afectados, la bioseguridad y el control de los insectos que transmiten el virus"
Arrisku hori dela eta, Euskadin, albaitaritzako langileei jakinarazi zaie detekzio goiztiarra indartzeko eta laborategiek diagnostiko-teknikak prestatu dituzte. Ustiategiei gomendatzen zaie animaliak egunero gainbegiratzea, instalazioak eta garraiobideak garbitzea, intsektizidak kontrolatzea eta sintomak dituzten animaliak isolatzea.
Amaia Barredo kontseilariak azpimarratu du ustiategien, albaitarien eta zerbitzu ofizialen profesionaltasuna funtsezkoa dela egoera hauetan, eta ezarritako neurriek sektorearen ohiko funtzionamendua nabarmenki ez aldatzea ahalbidetzen dutela.
